மேஷம் (Mesham)

Ariesமாதாந்த இராசி பலன்கள் - 14 Dec 2019 - 14 Jan 2020

மேஷ ராசி அன்பர்களே, 2020ஆம் ஆண்டு எதையும் துணிவுடன் எதிர்கொள்ளும் ஆற்றல் வந்து சேரும். நன்மை தீமை கலந்த பலன்கள் அதிகம் உண்டாகும். குடும்ப நிலை நன்றாக இருக்கும். பல வகைகளில் நல்ல வசதி வாய்ப்புகள் தேடி வரும். தடைபட்டு வந்த சுப நிகழ்ச்சிகள் மீண்டும் தொடங்கும். பூர்வீக சொத்தில் இருந்து வந்த வில்லங்கம், தடைகள் நீங்கும். வழக்கு சம்பந்தமான இழுபறிகள் நீங்கி நல்ல முடிவுகள் ஏற்படும். நண்பர்களாக இருந்தாலும் பண விஷயத்தில் கறாராக இருப்பது அவசியம். விலை உயர்ந்த பொருட்களை இரவல் வாங்குவது, கொடுப்பதை தவிர்க்கவும். யாருக்கும் ஜாமீன் கையெழுத்து போட வேண்டாம். பொருளாதார வரவுகளும், ஆடை, ஆபரணச் சேர்க்கைகளும் உண்டாகும். கணவன் மனைவி இடையே ஒற்றுமை அதிகரிக்கும். குடும்பத்துடன் தெய்வ வழிபாடு நடத்தும் வாய்ப்புகள் உருவாகும். உண்ணும் உணவிலும், உபயோகப்படுத்தும் பொருளிலும் கவனம் செலுத்த வேண்டும். இவ்வாண்டு முழுவதும் சந்தோஷ அனுபவங்கள் நிறைய இருக்கும். சேமிக்கும் விதத்தில் பண வரவு இருக்கும். உங்கள் நற்செயல்களால், புகழும், பெருமையும் உண்டாகும். குடியிருக்கும் வீட்டை புதுப்பிக்கும் நிலை ஏற்படும். உடல் ஆரோக்கியத்தின் மீது கூடுதல் கவனம் செலுத்தவும். உங்கள் பயணத்தின் போது எப்போதும் எச்சரிக்கையாக இருக்கவும். வீட்டில் அதிகமான வேலைகளைச் செய்ய வேண்டிவரும். பல அதிர்ஷ்ட வாய்ப்புகள் உருவாகும். கொடுத்த வாக்குறுதிகளை காப்பாற்ற இயலும். கடன்கள் அனைத்தையும் திருப்பி செலுத்திவிட வழி கிடைக்கும். இதுவரை நீங்கள் தயங்கிய விஷயங்களில் நீங்கள் விரும்பிய மாற்றங்கள் இருக்கும். பிறரின் உதவி உங்களுக்கு தக்க சமயத்தில் கிடைக்கும். எதிலும் நீடித்து வந்த தடை, தாமதங்கள் நீங்கும். குடும்பத்தில் இது நாள் வரை தடைப்பட்டு கொண்டிருந்த சுப காரியங்கள் இனிமேல் சிறப்பாக நடைபெறும். திருமணமாகாதவர்களுக்கு இந்த வருடம் திருமணம் நடைபெறும். குழந்தை பாக்கியம் இல்லாதவர்களுக்கு குழந்தை பாக்கியம் கிடைக்கும். வெளிநாட்டு பயணங்களும் சிலருக்கு ஏற்படும். பூர்வீக சொத்துகளில் இருந்த பிரச்சனைகள் சுமூகமாக முடியும். புது வீடு வாங்குதல், புதிய வாகனம் வாங்குதல் ஆகிய பலன்கள் நடக்கும். குடும்பத்தில் உள்ள நீண்டகால பிரார்த்தனை ஒன்று நிறைவேறும். உங்களின் லட்சிய பயணத்தில் பிறரின் குறுக்கீடு இல்லாமல் வெற்றி நடை போட முடியும். உத்யோகத்தில் நிறை குறைகள் இருக்கும். வேலையில் கவனமாக இருப்பது அவசியம். வெளிநாடு தொடர்புடைய தொழில்களில் வெற்றி கிடைக்கும். தொழில், வியாபாரம் சாதகமாக இருக்கும். புது தொழில், தொடங்க நினைப்போர் டிசம்பர் மதத்திற்கு பிறகு தொடங்கினால் சிறப்பாக இருக்கும். தொழில் வாழ்க்கையைப் பொறுத்தவரை இந்த ஆண்டு உங்களுக்கு நல்ல வாய்ப்புகள் கிடைக்கும். பரிகாரம் : இந்த வருடம் முழுவதும் செவ்வாய்கிழமையில் விரதமிருந்து முருகப்பெருமானை வழிபட உங்கள் கஷ்டங்கள் எல்லாம் ஒவ்வொன்றாக தீரும். முக்கிய குறிப்பு : இந்த 2020ல் மாதம் தோறும் வரும் சந்திராஷ்டம தினத்தில் மட்டும் சிறிது எச்சரிக்கையாக இருக்கவும்.

இராசியான தேதிகள்

January 8,12,18,28

குரு பெயர்ச்சி பலன்கள்

மேஷ ராசி நேயர்களே, இது வரை உங்கள் ராசிக்கு 8ல் இருந்து வந்த குருபகவான் 29-10-2019 முதல் 9-ம் இடத்திற்கு செல்கிறார். 9-ம் இடமான தனுசு ராசிக்கு பெயர்ச்சியாகும் குரு பகவான் உங்களுக்கு பல ஏற்றங்களை வழங்க போகிறார். உங்கள் ராசியை குரு பார்ப்பதால் சிறப்பான பலன்களை எதிர்பார்க்கலாம். அதிர்ஷ்ட வாய்ப்புகள் தேடி வரும். ஒரு சில காரியங்களில் அவசரமாக செயல்பட தோன்றும். எதிலும் நிதானத்தை கடைப்பிடிப்பது வெற்றிக்கு வழி வகுக்கும். சிக்கலான பிரச்சனைகளில் சுமுகமான தீர்வு காண முடியும். வாகனங்களில் செல்லும் போது கவனம் தேவை. உடல் சோர்வு நீங்கி உற்சாகத்துடன் செயல் பட முடியும். கடினமான வேலைகளையும் எளிதாக செய்து முடிப்பீர்கள். குல தெய்வ வழிபாடு குலத்தை காக்கும். தெய்வத்தின் அருளால் எல்லா காரியத்திலும் எளிதில் வெற்றி பெற கிடைக்கும். குடும்ப வருமானம் தானாக உயரும். குடும்பத்தில் குதூகலம் உண்டு. குடும்பத்தாரின் அரவணைப்பை பெற முடியும். விலகி நின்ற சொந்தங்கள் மீண்டும் வந்து இணைவர். மனதில் நினைத்த காரியம் நிறைவேறும். நீண்ட நாட்களாக தடைப்பட்ட திருமணம் உறவினர்களின் ஒத்துழைப்பால் கைகூடி வரும். கையில் எடுத்த காரியங்கள் வெற்றி பெறும். குடும்பத்தில் உங்கள் யோசனைகள் ஏற்கப்படும். குடும்பத்தில் இருந்த குழப்பங்கள் நீங்கும். உடல் ஆரோக்கியத்தில் நல்ல முன்னேற்றம் இருக்கும். மாற்றங்கள் ஏற்றங்களை தரும். உங்களுக்கு முன்னேற்றமும் வளர்ச்சியும் யோகமும் வந்து சேரும். உங்கள் ஆற்றலையும், திறமையும் கண்டு மற்றவர்கள் வியப்படைவர். உறவினர்கள் சிலர் உங்களிடம் முக்கிய பொறுப்புகளை ஒப்படைப்பர். தைரியமாக எல்லா காரியங்களிலும் இறங்கி வெற்றி பெறலாம். தைரியத்தையும், தன்னம்பிக்கை தந்து வளமான வாழ்வு உண்டு. பேச்சில் கனிவு பிறக்கும். முடியாத காரியங்களை கூட எளிதில் முடித்துக் காட்டுவீர்கள். நீண்ட நாள் திட்டங்கள் நிறைவேறும். பூர்விக சொத்து பிரச்சனைக்கு தீர்க்க கிடைக்கும். சொந்த வீடு கனவு நினைவாகும். எதிர்பார்த்த தொகை கைக்கு வரும். கணவன் மனைவிக்கிடையில் அன்யோன்யம் ஏற்படும். நண்பர்களிடம் ஏற்பட்ட விரோதம் மறையும். குடும்ப பெரியோர்களின் அன்பும், ஆதரவும் கிடைக்கும். குடும்பத்துடன் ஆன்மீக பயணம் பயணம் செல்ல விருப்பம் ஏற்படும். உத்யோகத்தில் பெயர், புகழ் கிடைக்கும். தொழில், வியாபாரம் நிதானமாக நடக்கும். இந்த குரு பெயர்ச்சியில் பாக்கிய ஸ்தானத்திற்கு வரும் குருவால் அபரிதமான பலன்களை நிச்சயம் எதிர்பார்க்கலாம்

இராசி உறவு நிலைகள்

மேஷ ராசிகாரர்களுக்கு பொருந்தும் ராசிகள் – மேஷம், மிதுனம், சிம்மம், தனுசு மற்றும் கும்பம். அவர்களுக்கு பொருந்தாத ராசிகள் – கடகம், கன்னி மற்றும் மகரம்.

சிறப்பான தொழில்

மேஷ ராசிக்காரர்கள் இலட்சியம், உறுதி, இயக்க நிலை மற்றும் வெளிப்படையாக பேசுதல் போன்றவற்றில் சிறந்து காணப்படுவார்கள். வெளியிடங்களுக்கு சென்று வருதல், ஆக்டிவாக இருப்பது போன்றவற்றில் துடிப்புடன் இருக்கும் இவர்கள் காவல், ஊடகம் போன்ற துறையில் சிறந்து விளங்குவார்கள்.

வழிபட வேண்டிய தெய்வம்

செவ்வாய் கிரகத்தின் பலத்தை அதிகரிக்க மேஷ ராசிக்காரர்கள் சிவனை வணங்க வேண்டும். ஏனெனில் மேஷ ராசியை ஆளும் கிரகம் செவ்வாய்.

எழுதப்பட்ட நாள் .

நலம் உண்டாகட்டும்
-சுபம்-

Rasi Palan 2019 (இன்றைய ராசி பலன்)